影帝過招擦出火花城城：同發哥邊有得鬥？
影帝郭富城與周潤發在莊文強新片《無雙》內鬥戲，城城談起發哥時謙稱：「開拍前佢做足準備工夫，對角色同劇情有好清晰嘅理解，我哋今次演戲上嘅切磋絕對擦出火花。（邊個好戲啲？）同發哥邊有得鬥？發哥就發哥，有型兼俊俏，佢做乜都有魅力。」
戲中城城扮演天才畫家李問，為投入角色他花盡心思：「想角色營造到畫家嘅氣質同神態，本嚟諗住請個畫家取吓經，後嚟因為工作關係時間配合唔到，我收工就上網搵相關嘅片段觀察吓，好彩我本身都鍾意畫吓嘢。」他又大讚莊導有毅力：「佢同我講，話2008年已經搞劇本，不過所需嘅製作資金龐大，中間被迫中斷籌備，直至2014年佢終於搵到投資者，所以再動筆修改劇本。為咗今次嘅製作，佢哋專登買咗部印刷機返嚟製作『美金偽鈔』，真係好認真！」