翠如感激蕭正楠做阿四
無綫花旦黃翠如昨日穿斜膊裝到銅鑼灣出席活動，她坦言颱風山竹襲港，屋企也遭殃：「嗰日十號風球，初時有半棵樹飛咗埋個窗撞到嘭嘭聲，後來有舊磚打爛咗玻璃，個窗係咁震，我哋仲用手頂住個窗，諗番都覺得好危險。之後搬走咗窗邊嘅嘢，由於個窗好近廚房，我驚冇嘢食，就衝去攞咗袋麵包坐喺角落度，之後就瞓着咗。」問到可有與男友蕭正楠患難見真情？她笑說：「佢好好，我醒嗰陣見佢喺度執嘢、掃地，好感動、好感激佢，我嘅意識只係驚肚餓，我醒咗佢就準備啲嘢打邊爐，時間啱啱好。」
她又指仍未找到人修理寓所，擔心中秋節再有颱風，經過今次會儲多點糧食。