龔嘉欣母愛氾濫諗定生孖胎

藝人龔嘉欣昨日出席活動與小朋友行騷，她自言甚有小朋友緣：「我好鍾意小朋友，好樂意湊仔，都好熟手，可以兼職做保母。」她笑言將來最好生孖胎，一次過搞掂，又指曾在玄學節目被批會生孖仔：「我都想早啲生，但未遇到結婚對象。」工作方面，她透露最近忙拍劇集《殺手》，連場打戲令她周身瘀傷，但已練到有馬甲線及四舊腹肌，笑言要跟同劇的黎耀祥鬥操肌。
龔嘉欣露肩兼露肚皮，晒操肌成果。
龔嘉欣露肩兼露肚皮，晒操肌成果。

同場已育有一子的孫慧雪則自稱有生孖胎的機會：「爸爸同叔叔係孖生，老公話如果生孖女就大鑊，雙重擔心，仲話要植晶片喺佢哋身上，追蹤佢哋。」提到早前在網上呻辛苦，疑似夫妻有爭執，她說：「嗌交都只係為小朋友，最後係我道歉。」

孫慧雪承認夫妻間有爭執，主要都是為小朋友。
  • 孫慧雪承認夫妻間有爭執，主要都是為小朋友。