莊思明反擊網友：我不畏懼
藝人莊思明（Lisa）因評論馮盈盈言論而慘被網民圍插，幸她心情未受影響，昨日出發返家鄉吉隆坡慶祝母親70歲大壽：「媽咪鍾意簡單啲，只係一家人喺屋企食飯。（送乜嘢禮物？）我哋三姊妹夾埋送五位數大利是畀佢。（你下廚？）冇時間，落機已經係食飯時間，我以前都煮過畀媽咪食。（男友有冇一齊？）佢要開工，所以冇嚟。」
此外，Lisa昨日在社交網留言：「不要再用不負責任的言論去攻擊人，每個人都有自由表達感受，沒有人是對或錯！你們不容許別人有其他想法，你們會想盡辦法用最毒的字眼去傷害那個不認同你的人！這種思維很恐怖，但我不會畏懼！」楊明亦在IG發文力撐她，更有不少藝人讚好。