蕭正楠捨難「娶」易婚照都慳番

翠如與蕭正楠未能共度中秋佳節，惟有提早打邊爐慶祝。

蕭正楠昨日在活動上與男粉絲對唱，卻被女友翠如取笑：「佢唱歌好過你呀！」二人經常拍拖出活動，問下步是否影婚照？阿蕭笑言：「我哋喺《師奶Madam》同《幕後玩家》都影咗兩次啦，問公司拎番咪得囉！（可以跳過直接結婚？）問佢（翠如）啦，佢忙到見唔到人。（停工結婚？）我哋有我哋節奏。」提到陳展鵬與單文柔結婚，阿蕭說：「單文柔都冇拍《美女廚房》，可能太忙啦，戥佢開心，之前都改咗口叫阿嫂o架喇！（展鵬快你好多喎！）差唔多啦，佢節奏快啲。」

搵曹永廉接濟糧食

而忙拍劇的翠如指颱風假期會「大覺瞓」，問阿蕭是否準備打邊爐？他笑說：「一陣飛車出去買！或者叫曹永廉買餸買Double，佢講價叻！」自爆家中只剩一個公仔麵的翠如笑說：「或者我哋去寄住，佢會救濟我哋！」阿蕭又指曹永廉是二人「不可或缺的一部分」，中秋當日會齊齊飛瑞士拍《兄弟姊妹旅行團》，獨留香港的翠如投訴說：「係囉，大時大節你都同佢過！」

洪永城質疑區永權品味

此外，藝人區永權昨日在社交網上載與翠如的合照並大讚對方靚女，卻被洪永城質疑品味，區永權補充說：「（品味）都幾難預測o架！」

男友即席獻唱，在旁的翠如舉機狂拍。	蕭正楠笑言問公司拿回婚紗劇照當影咗。	洪永城
區永權大讚翠如靚女，惹來洪永城寸爆留言。