做最舒服靚姊妹 阿Sa人到禮冇到尷尬！
昨晚出席卓韻芝婚宴的嘉賓計有田蕊妮、蔡一智、徐天佑、黃耀明、陳健安（On仔）及導演許鞍華等，而姊妹團成員之一的蔡卓妍（阿Sa）以「Pink Lady」粉紅色連身裙亮相，手上戴有寫着新人英文名簡稱的「CHI&YIN」手帶，她說婚禮沒有玩新郎或接新娘的傳統環節，笑言是最舒服的姐妹：「新娘一嚟就話冇玩新郎，我哋主要係負責靚。（冇得玩有冇失望？）最好唔好啦！費事玩人玩着自己。（最忙做啲咩？）主要都係影相同擺甫士，一陣同嘉賓吹吓水。（幫手頂酒？）我都頂得幾杯嘅，其他姊妹就難講啲。」
問到送上甚麼結婚禮物時，阿Sa笑言冇準備：「我嚟之前發訊息問阿芝，做姊妹使唔使畀禮金，佢又冇聽到個訊息，我嚟到，佢就喺我面前開Speaker（揚聲器）播番我個訊息出嚟，搞到我好尷尬，或者遲啲補番份禮。（會否想接花球？）我問助手，究竟我啲朋友結晒婚未，好似不停出席朋友嘅婚禮，我助手話，我爭容祖兒個花球就搞掂！」