將於下月6日結婚的藝人韋家雄，日前帶同未婚妻出席無綫新劇《牛下女高音》活動。談到婚禮籌備進度，他說：「啱啱套劇先煞科，終於叫做有時間，但都好多嘢未搞，跟住就過大禮，連座位表都未分好，仲有套電影日內先完工，不過都心情興奮，好在有人幫手。（太太做跟得夫人？）盡量啦！之前開工都冇時間陪佢。（享受夫妻生活？）依家真係有少少呢種感覺。」更透露將休息至下月尾才復工拍無綫新劇，問到會否趁蜜月期間造人？韋家雄表示欲先享受二人世界，太太亦未有急於生B，故一切順其自然。
