鎮宇親子運動雪糕當獎勵

藝人吳鎮宇昨日為ViuTV節目《大星講》擔任嘉賓，對於電影《逆流大叔》導演陳詠燊有意原班人再合作，他大表贊成：「同導演講個古仔唔好再延續，要拍第二啲嘢，唔好到時唔收得又冇口碑、又厚顏無恥開續集。」即將為兩部電影開工的他透露，早前與囝囝展開動、靜態運動，並說：「逢星期六同個仔上音樂堂，太太就同佢學空手道，因為想佢踏實啲，所以報政府機構，可以同成班同年紀小朋友一齊玩！上完堂我都應承同佢食雪糕，鼓勵佢要有運動精神。」