陳嘉容特訓亞姐自封「惡媽」

首次做選美形象總監的陳嘉容，講到明會嚴厲特訓亞姐佳麗。

Eunis首次做選美形象總監，為令佳麗專注學習而採取嚴厲態度，她說：「可能惡少少先會聽媽咪話！」又憶述亦曾接受嚴師指導：「以前老師仲惡，我細個學Catwalk時成日都被鬧，因為被鬧會更驚，所以表現更差，之後我真係好努力練習，就算喺屋企做家務、任何時候都着高踭鞋行來行去，克服對高踭鞋嘅恐懼。」她又給佳麗第一個貼士，就是學會「挺胸收腹」：「咁做整個體態會變得修長，5呎6都變5呎7！」問到對10位佳麗有何評價？她說：「有兩、三個行得差少少，其餘都OK、自然。」

蘇頌筠畀高踭鞋考起

張右雨（Gloria）有跳舞底子，是少有獲Eunis讚賞的佳麗，她說：「可能之前做Dancer時都行好多Catwalk，當時老師要求好嚴。」而梁雪瑤（Sheryl）與蘇頌筠（Dusty）同樣被高踭鞋難倒，Sheryl未能盡力表現1米73高挑身形，Dusty則言平日少穿高踭鞋，行Catwalk時表現極不自然。

陳嘉容糾正佳麗蘇頌筠（右）行路姿勢。

張右雨（右）心情靚爆與其他佳麗合照。