陳潔麗討厭代表作
被封做第一代發燒碟歌后的陳潔麗，出道至今16年，本月20日將舉行《15+1》演唱會。由於兩場騷的歌單完全不同，她要背熟超過60首歌，非常有挑戰性。今次是她第5個個人騷，問到可有必唱的歌？她說：「冇一首係必唱，但有一首係好多樂迷都想聽，亦因為呢首歌而認識我呢把聲音，就係《一水隔天涯》。」
她坦言第一次開騷時，當眾對樂迷表示不喜歡這首歌：「我好細個灌錄呢首歌，歌詞意思似懂非懂，啲詞好直白，嗰時自己比較小女孩，覺得可唔可以含蓄啲，所以唔鍾意呢首歌。不過大個咗就冇咁抗拒，依家大家想我唱，有時冇準備我都會清唱幾句。」
問到可有想過重新灌錄這首代表作？她說：「依家錄番又未必有當年嗰個感覺，有時諗大家咁鍾意我唱呢首歌，就係我當時嗰種小女孩演繹嘅方式。」