黃翊心痛老婆洗腎：永遠守護佢！
再戰樂壇的黃翊近日接受東網巨星訪問，坦言經歷過高山低谷，但仍一一努力跨過。提到患有腎病的太太陳存正，他即公開愛的宣言，表示會永遠守護對方。
80年代歌手黃翊將於下月舉行個唱，近日積極備戰。他接受東網巨星節目訪問，大談過去50年的人生。參加1986年新秀歌唱比賽入行的他曾經歷事業低潮，他說：「當時以為唱片公司唔會雪藏我，但8、90年代呢個時間，其實係香港樂壇嘅黃金時間，有好多猛人，一浪兩浪三浪蓋過，之後就轉咗行。」
登台唱歌冇人欣賞
經歷人生低潮，他坦言要靠登台搵錢，但其實沒有人欣賞：「我係觀眾，其實都係想睇靚女啦，啱唔啱？即係着條短裙仔、扭兩吓，就算唱得幾難聽，我都覺得好睇嘅。但對於啲麻甩佬嚟講，佢哋都喺下面猜枚，根本冇心去聽你嘅表演。」
回想昔日事業，黃翊表現氣餒，但講到太太陳存正，他即作出承諾，指會永遠守護她：「我太太係個腎病患者，佢依家要經常洗腎。睇住佢水腫，突然又好肥，精神又唔好，呢個過程係好辛苦，但我一定係撐我太太，我想我老婆最重要係身體健康。」另外，他自言為了兒子得到良好教育，甘願節衣縮食，又示範餐廳的招牌菜。想知佢煮成點？想知佢點節衣縮食法？快啲Click入東網巨星睇啦！
https://bit.ly/2NHVcQL