趙嘉懿脫「模」做全職媽咪
模特兒趙嘉懿（Carrie）入行十多年行過不少大品牌騷，去年突然放棄幕前工作，甘願為一對分別八歲和四歲的子女當全職媽咪，笑言十月便慶祝Full Time Mother一周年紀念，早前帶子女到將軍澳老公有份開設的跳舞學校學跳舞。原本哥哥Marcus學Hip Hop，但為遷就妹妹而陪她學K-pop，期間Carrie突然加入，三母子跳起來似模似樣。
Carrie曾經為愛情放棄留在紐約做Model，返港結婚做人妻，如今就為子女索性離開天橋：「講真好唔捨得，但畀我揀，仔女係第一位，佢哋成長需要我，每日睇到子女有進步就開心。」一對仔女天賦超強記性，尤其Marcus讀書名列前茅，冇溫書也考第四，運動、音樂亦出色，Carrie說：「我成日提佢哋要努力，唔想佢誤會唔溫書都考第四就自滿，人生係贏經驗，唔一定要贏第一，我都唔係叻嘅人，以前好怕醜，靠努力都做到好成功，所以若果唔努力，終有機會畀人好努力跑過你頭！」