岑日珈嗒糖已久想嫁畀林峯

出道時負面新聞纏身的藝人岑日珈,直認恨拍拖,自爆林峯是她從小就心儀的偶像,得知偶像與吳千語分手,她開心得八卦追問,但當知道對方有新戀情,就大呻沒機會了。

24歲的岑日珈(Angie)曾經被傳有富商包養,又指她愛在網上炫富,小康之家出身的她住豪宅,又有名車接送,被質疑收入與支出不符。面對連串負面新聞,她說:「人哋咁樣睇都係正常嘅,我冇話好唔開心,我爹哋退休將間生果店轉讓咗,有筆錢,之前樓市好景,屋企人又換咗樓,都賺咗四成有多。」她坦言做這行有好多辛酸,外人未必見到,好似有時她網購一些服裝,但之後又退回,真正置裝不多。

Dry咗三年幾

她處之淡然,反而爹哋媽咪擔心她不開心,問到為何不盡快找個男朋友證清白?她笑說:「其實我好想o架!年紀開始大,唔好話生B,拍拖都要時間了解,唔會突然一拍就結婚。」她坦言好想搵個好男人,但知道並不容易:「可能暫時未遇到。(Dry咗幾年?)三年幾喇!入行前都有拍拖。」

靠緣分牽引

Angie突然主動問:「林峯係咪失戀?」當她得知林峯盛傳有新女友張馨月,即緊張地說:「嗰個係咩?你哋證實咗?死啦!冇咗個機會。」她喪笑承認自小已很喜歡林峯,更傻到想過將來林峯成為她男友及老公,但笑言入行至今未見過對方,希望將來在工作上能夠遇見:「呢啲係緣分,我睇過一本書,話愈諗得多嗰件事就會成事。」