藝人黃美棋日前出席無綫活動，透露剛從惠州完成無綫遊戲節目《大玩特玩》外景，期間雖然有落水鏡頭，惟相對其他女星性感上陣，自言其泳裝睇頭欠奉。而下月將入劇組，已有兩、三年沒有拍劇的她，笑指心情有點緊張，她說：「今次對手都係後生為主，好似胡鴻鈞、余德丞、朱智賢同劉佩玥，呢班人本身都識，希望拍劇會有另一種火花。（同邊個有感情線？）冇，個個都一雙一對，我只係暗戀余德丞，不過現實生活我冇試過暗戀人囉！」為求造型上有突破，美棋有意剪去一頭長髮，以全新形象見觀眾。
