歌手余震東相隔兩年再推出新歌《愛情價更高》，他表示創作這首歌時，放了不少個人經歷。曾發展姊弟戀的他，因事業未如意，遭女友提出分手：「嗰段係我初戀，佢話我依家冇，將來會有，但佢等唔到，所以我將經歷寫咗落去Rap度。（寫嗰陣好唔開心？）流住眼淚寫，係好無奈。（對方點？）冇留意啦！」
除喊住寫歌詞，又自爆與作曲的林慕德意見分歧：「其中有句『鬼叫你窮頂硬上』，林老師覺得負面，但我覺得唔係，所以都鬧交收場，我仲試過拎袋走人，諗番都覺得自己好夠薑，好在最後說服到佢。」
