毛舜筠加盟英皇楊受成送鑽鏈歡迎

老闆楊受成向毛舜筠送上鑽石頸鏈，左為霍汶希，右為英皇娛樂集團行政總裁許佩斯。

對於毛舜筠加盟，楊受成不諱言感到榮幸：「影后加入英皇喎，大家有冇經過英皇樓下，個招牌係咪光咗好多，哈哈！」毛舜筠亦笑指就像加入了一個大家庭，感覺很安樂：「我同前經理人好似朋友形式合作，有日佢話擔心自己身體，幫唔到我，當時我好徬徨，唔知點算好，就同梁太（梁李少霞）講，佢話梗係入英皇啦！依家感覺好實在，好似唔使擔心，有個大家庭喺後面幫我，楊生好好、好誠懇，成件事好感動，加入咗一個大家庭。」問到是否簽了長約？她不欲多談，只表示超過三年，更指對公司信心十足。

讚祖藍有Heart

至於在新公司的第一套作品，就是由王祖藍執導的賀歲片，她坦言從影以來未遇過如此特別的賀歲片，既要唱歌，又要跳舞，目前已完成兩場喜感十足的大場面，更大讚祖藍：「未見過新導演咁有Heart，咁清楚自己要咩，希望電影成功。」

毛毛即場戴上頸鏈。

毛舜筠親吻影后獎座。