麥家瑜如廁護衞守門口
歌手麥家瑜昨日出席復康活動啟動禮，她表示近日首次拍珠寶廣告，亦是第一次被數名護衞跟到實：「我唔知啲珠寶幾錢，淨係知好貴。（佢哋跟埋你入廁所？）咁又冇，不過喺門口把守。」提到早前有份在陳百強紀念騷演出，她坦言很開心網民喜歡她翻唱的《神仙也移民》：「係個幾大嘅挑戰，因為我好少接觸快歌。」
同場的張國強透露，將於12月初開拍新劇《曼谷唐人街》，有大量打戲：「真係要做足準備工夫，個個都同我打。（你係終極大佬？）我冇講過，淨係可以話係唐人街嘅老大，到時一定辛苦到瘦，不過瘦係好嘅！」他又表示將到泰國取景，但未知要拍攝多久。