周秀娜膺「年度女演員」
藝人周秀娜日前穿上金色低胸晚裝，到寧波出席《十大華語電影盛典》，由她主演的電影《29+1》入選「十大華語電影」，並奪得「年度優秀電影」，她更憑該片與影后惠英紅雙雙奪得「年度女演員」的個人殊榮。
周秀娜感觸說：「真係好開心，我記得角逐金像獎時，身邊朋友都好支持我，我好想話畀佢哋聽，多謝佢哋嘅支持，我要同大家分享呢個獎。個個都話『29+1』係人生轉捩點，喺我30歲時拍到呢部戲，我覺得呢部電影帶咗我去另一個階段，希望自己都好似部戲所講『由零開始』，每一個階段都係新階段。我深信今年對我嚟講，或者嚟緊即將開展嘅事業都係，我會繼續努力，同埋保持初心。」