吳若希笑老公怕醜影相硬晒軚
藝人蘇志威與老婆劉小慧、吳若希（Jinny）與老公何兆鴻昨晚出席時裝表演暨慈善晚會，身為香港愛馬女士協會總理的Jinny表示，協會成立近兩年，每月都會跟不同機構舉行一、兩次慈善活動，今次主要目標是幫助有需要的小朋友。問到將來可會帶囡囡參加善舉？她說：「一定會，雖然佢仲細，但我都會幫佢將啲玩具同衫捐出去。」提到她甚少與老公出席公開場合，她笑說：「係呀，因為今次做慈善，佢好怕醜，一影相就硬晒軚唔識笑。」
至於蘇志威表示請了三名騎師穿上自家西裝品牌行Catwalk，並指一直做很多慈善活動回饋社會，是次活動的善款不扣除開支全數捐出。提到19歲大女將於本月25日前往日本大阪留學深造，當地最近受超級颱風「飛燕」吹襲，問到可會擔心？他輕鬆說：「依家打風打晒、地震震晒，希望呢幾年唔好再發生呢啲事。（會陪囡囡飛過去？）老婆陪，咁啱月尾有個頒獎典禮，之後又飛上海做嘢，陪唔到。」
