林淑敏「7年之癢」吸新Fans

「大小姐」林淑敏和「Terry」李偉健昨日以《愛．回家之開心速遞》姊弟檔身份出席大埔《大家樂「粒粒力量LOVE LOVE香港」快閃活動》，對於午間婦女節目《都市閒情》將進行改革，主持之一的Mandy直言跟節目相當有感情，對於工作新安排，她表示尚未收到正式通知：「節目改革係有唔捨得，不過唔可以一直一成不變，相信只係形式唔同，人同事都會留低，我哋都好有感情。（節目類似big big shop賣嘢，怕唔怕觀眾唔適應？）內容係點我未知，相信幕後會搵到一個最好嘅方法。（怕唔怕流失師奶Fans？）相信本身Fans會留低，再吸納更多唔同嘅觀眾，係好事。」

自爆被「送水輝」撇甩

活動上，憑劇集入晒屋的「兩姊弟」與現場觀眾合照及玩遊戲，宣揚惜食意識，很受街坊歡迎。Mandy表示平日會珍惜食物，預好分量，不會煮多：「同李偉健平時都注意飲食健康，佢要做Gym，都係少油少糖。」李偉健則表示Mandy經常「萬歲」請食嘢，非常大方。講到今次撇甩劇中情人「送水輝」許家傑，Mandy笑言對方相當忙碌，是對方撇甩她，因此今次跟「細佬」出席活動。