石詠莉公審鄧健泓：呢部戲我唔會睇

J.Arie：會！
石詠莉：你男朋友咁樣會唔會嬲？
J.Arie（左）贊成石詠莉嬲老公。

前晚Sukie、雷深如（J.Arie）、布志綸（Alan）及唱作女新人Merry Lamb Lamb參演以「懷舊」為主題的音樂會。提到Sukie老公Patrick自爆拍完咀戲後，激到她喊到似細路，她明顯怒氣未消，不斷講「被激死」：「佢事前冇同我申報，係拍完先話畀我聽，你話激唔激死？竟然錫第二個女仔，我冇呢個心理準備，呢部戲我唔會睇，佢亦唔會畀我睇。」問到日後是否老公申報就批准？她稱要看劇情是否合理，並指呷醋很正常，但她冷靜後，又覺得專業演員要接受任何工作。

J.Arie求刪接吻戲

Sukie自爆最不滿是老公拍完戲後用視像通話，竟將她眼濕濕的樣截圖，她隨即轉身問J.Arie：「畀着你男朋友咁樣，你會唔會嬲？」嚇到J.Arie窒一窒，定過神後才再答：「會。」J.Arie稱之前差點向林德信及曾國祥獻出螢幕初吻，但否認恨拍接吻戲：「次次都期待導演刪減呢一幕，覺得好唔夾我，想喺合情理之下拍。」

石詠莉坦言若有心理準備，可能冇咁嬲。	布志綸很喜歡陳百強的歌曲。	鄧健泓與身材火辣的Jeana拍親熱戲，認真好艷福。

同場的Alan自彈自唱已故「情歌王子」陳百強（Danny）的《當我想起你》，他說：「想向佢致敬，我都真係好鍾意佢啲歌，某啲歌平時都會自彈自唱。舊年有個紀念佢嘅演唱會，我有份做其中一個表演者，當時我就好想唱呢隻，但畀人揀咗，呢首歌太經典，唔到我揀。」