釗峰蘇麗珊天作之合
組合C AllStar成員釗峰自單飛發展後，日前請得蘇麗珊擔任新歌《閃亮的青春》MV女主角，兩人更被形容為天作之合，釗峰說：「佢嘅高度同我好匹配。」蘇麗珊笑說：「我都好難得拍攝唔使企箱！」釗峰忍不住大笑起來。
穿着校服拍攝時，兩人手拖手感覺溫馨，蘇麗珊憶起當年常喪跑返學校的日子：「中學時候住得好近學校，成日約埋另一位同學一齊返學，但我哋調校到啱啱好校鐘響，先至由屋企狂跑返學校，因為校鐘響3分鐘，剛好跑到返去唔遲到，好刺激、好開心。」釗峰亦懷念校園生活，尤其會儲起當年小情人的禮物，有時候拿出來緬懷一番，不過蘇麗珊稱因家中地方細，所以將舊物全丟去，只留下回憶。