鍾嘉欣產後「現身」面尖零走樣

藝人鍾嘉欣與李婉華友情客串《再創世紀》,昨日更越洋拍片幫手宣傳!剛誕下第二胎的嘉欣透露拍攝短片時正在坐月,穿上牛仔褸的她精神奕奕又面尖尖,身形也零走樣:「生完大女Kelly後都有年幾冇拍戲!今次另外要多謝文龍,我哋十二年前拍《法證先鋒》系列,依家大家都成為父母,能夠再合作好開心。佢好有耐性,畀我好多推動力同信心做到最好。」鏡頭後還不時傳來小女孩的聲音,相信是Kelly見媽咪拍片感好奇!李婉華則表示已有十多年沒拍戲,今次藉機會過戲癮。

對於嘉欣公開感謝,林文龍坦言對方整個人也轉變不少:「開朗晒!會主動溝通,以前佢驚唔敢講,依家乜都講,講同老公相識到結婚、生小朋友同之後計劃,所以大家唔使訪問嘉欣,問我就得。」