蔡卓妍與鍾欣潼的《TWINS LOL世界巡迴演唱會》由2015年開始至今歷時三年，差不多走遍半個地球，已完成逾20場。
10月13日，Twins將到澳門威尼斯人金光綜藝館舉行今次巡迴最後一站，屆時會採用四面舞台設計，跟歌迷作近距離接觸。門票昨晨在官網開售，大批粉絲登入搶飛，導致網絡「大塞車」，直至下午3時已全部售罄！兩人得知反應熱烈後開心地說：「好多謝大家一直以嚟嘅支持，嚟到最後一站我哋當然唔捨得，所以會毫無保留咁去演出！」
