楊張新悅產後收身 日日紮到木乃伊咁！
今年七月誕下第四名女兒的藝人楊張新悅，昨晚出席時裝活動時見她收身成功：「依家試用緊紮身療程，包括埋子宮收復及催乳療程。日日由腳束到上腰做機械人，紮到好似木乃伊咁，每日要束八至十小時，都幾辛苦。」問到三個家姐對妹妹有否呷醋？她說：「冇呀！佢哋好錫個妹，仲不時要輪住抱妹妹添！」
同場的Mr.成員杜志烜（Tom）與太太何思諺結伴亮相，Tom表示囝囝六歲剛升讀小一，何思諺則指學校勁多通告：「已經感覺到家長同學校制度好『掯』，好似Wasabi咁！」問到會否再追小朋友？二人互望並你推我讓未作回答，Tom說：「睇定啲先，都有諗。」而Cara G.則低胸上陣。