李克勤星洲開騷當遊埠

李克勤日前到新加坡舉行巡唱，邀請了去年剛離婚的陳潔儀做嘉賓，她笑說：「新加坡人真係唔及香港人搏命，今年我只係錄音，之後一直去玩去旅行，好relax，冇你哋咁勁，你日日搏命工作，精力無窮成個超人咁，真係好服你。」克勤笑言：「我都好想去玩！不過到呢個年紀，有得做就做啦，我驚冇得做呀！你11月呢度開騷，請我做嘉賓我都嚟！」此行克勤舉家同行，完騷後他帶小朋友遊環球片場及親近海豚。