Rikko抗拒靠「林奕匡」接Job
歌手林奕匡老婆李靄璣（Rikko）曾任職無綫財經主播兼體育主持，一直希望在主持界發展的她，直言不想靠「林奕匡老婆」之名才獲得工作，認為有實力一定有人欣賞！
林奕匡（Phil）去年與Rikko正式成為夫婦，對於婚後的改變，Rikko坦言責任感比以往重，尤其要照顧好自己，免得老公擔心：「以前覺得受傷係自己嘅事，依家整親驚畀佢鬧，有個責任感喺度。只要每日返到屋企，確定對方健康、安穩就夠。」
夫妻冇隔夜仇
兩人擁有共同嗜好及生活模式，性格合拍，但也有拗撬的時候，尤其生活細節上，她說：「我哋係好白嘅人，有拗撬要即日解決！以前佢會覺得自己啱嘅，點解要氹番我？但依家佢話每次都諗起結婚誓詞，要一世照顧同包容對方，而我都係咁諗。」
Rikko現時以自由身接司儀工作，曾於無綫擔任主持工作的她，直言不想靠「林奕匡老婆」的名銜接Job：「我想畀大家知道，有咁多司儀工作係因為我做得好，希望大家會Focus我嘅工作表現。」她自言對演戲零興趣，如有機會希望能返無綫擔任清談或資訊性節目主持。
做管理層受閒言
提到曾跳出幕前、轉做文職工作，原來是為Phil及自己的將來打算，她說：「佢事業低谷期嗰陣，我有諗過同佢返溫哥華，但我只係做過主持，冇文職經驗好難喺當地搵工。」有見及此，加上想增加工作經驗，故她離開無綫後，未有離港，到美容公司擔任Marketing高層約三年，直言當中有困難之處，她說：「當時由幕前轉文職，連Counter Sales都冇做過，就做管理層，雖然唔係咩名人，但有人認得我，而且大部分同事係女仔，難免有少少偏見，但我深信『Action speaks louder than words（事實勝於雄辯）』，人哋會睇到。」
髮型：Chris Lo@MiniG Salon
場地：Mini Hotel Causeway Bay