張敬仁學跆拳做硬朗打女

Kendy留有一把長髮及擁有甜美外表，她拍劇集《詭探前傳》因應導演要求，狠心剪掉長髮，營造硬朗感覺：「印象中我係未試過咁短頭髮，對上一次短髮已經係幼稚園。（唔捨得？）冇喎，我自己都覺得悶，剪咗反而係身邊朋友唔慣，平時整頭要成個鐘，依家半個鐘就得。最誇張係約咗朋友，喺街佢竟然唔認得我。」

練半年 血氣好

劇集中不乏打鬥場面，Kendy事前下了不少苦功，問到是否想轉型做打女？她直認想：「但我唔敢講好積極，我天生唔係好運動型，都係彈吓琴，依家有呢個嘗試，發掘到另一個自己，我學完跆拳，都會練吓拉筋同踢腿。（學咗幾耐？）大半年，但都係BB班，學完身體好咗，以前唔夠血氣。」

張敬仁輕易做出一字馬，勁！	出拳有力，Kendy唔係流o架！	Kendy練拉筋及踢腿，練到「會飛」咁款。

拍片搞個人頻道

講到早前Kendy自彈自Cover大受歡迎，問到會否開設個人頻道定期拍片？她說：「我自己一直有練，但覺得未夠完美，都有朋友叫我一齊拍片，等我拍完劇集先。」

教練：何佩珉＠HITHUT電影動作訓練‧創作室