陳國邦徐肇平錫錫被鬚拮

徐肇平今次與前輩演員陳國邦合作，大感興奮，直言向媽媽黃淑儀提及時，即被催促「快快接演」，他亦深知機會難逢，故做足準備與前輩「交流」HeHe情。而陳國邦亦大讚肇平有專業演員的水準，在演感情戲時，不但未有被愛男或愛女的方式混淆角色情感，更懂得從角色思想出發，思考如何演繹，絕對是專業演員的最正確思路。

女友冇詐型

不過，肇平笑言劇中有不少親熱戲，如接吻等，令他感覺難忘：「最奇怪嘅感覺係錫男人嗰時，畀鬍鬚拮嘅感覺！（需要赤裸？）我有場床戲都冇着衫！（操弗？）少少啦！（女友支持演戲？）佢好支持，佢喺美國返嚟都有自己嘅工作忙，知我忙拍劇都唔會詐型！」

師生戀有發揮

而身經百戰的國邦，對今次的「基角」大感過癮，他說：「橫跨感情變化，首先有異性戀、師生戀，跟住我哋仲結埋婚，情感表達幾直接o架！（身體接觸？）嗰場係肇平瞓喺床上，我錫佢一啖，其實係好自然流露，觀眾嘅感覺係好定唔好，就好睇佢哋嘅心態同背景，但對演員嚟講，係冇尷尬嘅！」

陳國邦服裝：尺渡

徐肇平服裝：Club Monaco

場地：Shine