狂迷闖入寓所超蓮保安報警
賭王三房千金何超蓮人美心善，擁有不少粉絲，但近日有警察群組流傳一名愛慕者「公安」，在其布力徑家中被拘捕，事源因「闖入」其家中。超蓮受訪時承認此事：「嗰日媽咪出車開咗道閘，佢就入咗嚟，所以保安就報警。」指當時不在現場，故不太清楚狀況。
超蓮又透露該男子多年來不時在寓所門口徘徊，並送禮物給她，然而雙方從未對話，也不知該男子的姓名：「只知助手叫佢『Piano』，可能送過琴仔禮物。有次傳媒寫過有人送花上門畀我，就係佢送。」問到對方是否「公安」，她也不知其真實身份。問到有何措施防範，超蓮指日後出入時要小心，至於媽咪會否請保鏢？她說：「平時我司機就係保鏢，媽咪有叫我唔好Post咁多嘢上網引人注意，但我覺得避無可避。」
據知，該男子年約40歲，當日因在閘口自言自語及指手畫腳，引起保安懷疑，為安全計報警。