雨僑逃出大阪搶到機位似中獎！

雨僑與羅力威今年3月結束7年愛情長跑，正式拉埋天窗，早前才抽到時間度蜜月。他們在大阪享受二人世界之際，卻遇上強勁的「飛燕」吹襲當地，強風幾乎吹散他們的蜜月！

飛宮崎求出路

由於關西機場未有國際線復飛時間，雨僑不想無了期呆等，惟有自求出路，她說：「當地情況好亂，公共交通工具都冇位，連車都驚租唔到，所以要走嘅話，惟有改飛宮崎，呢個係最好嘅辦法。東京、福岡、名古屋嘅機位都要排到10幾號之後，票價升到萬幾蚊一張，真係一票難求！」

她透露共有五人同行，最後訂到一班往宮崎的內陸機的最後機位，轉機後預計8號便可抵港。她坦言收到確認通知時，感覺如中獎：「總算鬆一口氣，內陸機都近嘅，兩程機都收到Confirmation喇！連日來喺大阪街頭沿途撞到好多香港人，喺餐廳大家都好似相識嘅朋友一樣，傾吓點返香港，大家都有不同選擇，有啲有小朋友、老人家同行，所以唔想去咁遠。」續指不知道前往宮崎是否最佳選擇，但起碼行程和價錢適合：「比起啲有老有嫩嘅家庭，我哋五個比較後生，行遠啲都冇所謂！總括嚟講，今次大阪行十足走難一樣！」她揚言感覺似逃出生天，故索性在宮崎預訂一間Resort休息當補償。

羅力威與老婆度蜜月撞正颱風吹襲，滯留大阪。

基仔同樣搶到機位，將從名古屋返港。

古巨基徐天佑報平安

至於同樣身在日本的古巨基，前晚在社交網留言：「來報個平安，各位不用擔心。」並透露已成功撲機票返港，他以短訊回覆記者：「搞到，從名古屋回港。」而身在關西地區的徐天佑日前在網上留言：「呢度好大風，仲要趕住返香港做嘢添。」前日再留言：「要轉去第二個機場返香港，留多幾日周圍行吓，報平安。」他表示仍在辦理機票。