Ana R.打親子拳收身
產後兩個月的名模Ana R.昨日出席慈善活動，腹部依然凸起仍未收身成功，她說：「因為我開刀生B，唔可以咁快做運動，但老公已計劃咗一連串嘅收身運動畀我。佢本身係教拳嘅，會做我私人教練，而且會諗啲可以全家人一齊做嘅動作，阿女Maya大啲可以做，阿仔Ryan雖然仲係BB，但都可以郁吓佢啲手腳。」
Ana R.指囝囝現時兩個月大，是超巨型BB，已有16磅，每三個鐘就要餵一次人奶，相當大食，更笑言：「好似條肉腸咁。」問到希望再減多少磅？她直言希望減多20磅：「想減番做模特兒時嘅體重，因為衣櫃有好多靚衫都着唔到。」原定要花兩年時間才可以回復模特兒身形，但現時希望半年可以達標。
