搵助產士上門接生香港一樣得
鍾嘉欣在加拿大家中自然分娩誕下第二胎，婦產科醫生余啟文指此分娩方式在外國十分普遍：「香港都可以，不過少啲人咁做。如果喺香港生，一般嚟講係請個助產士去你屋企幫手接生，因為助產士會幫你個小朋友登記出世紙，唔可以你自己喺屋企生完就去登記，因為冇人證明BB係咪喺香港出世。」
余醫生又指助產士會帶同器材，如胎心機等到孕婦家中接生，若中途發生任何突發事情，便會立即將孕婦送院，由醫生接手處理：「通常助產士會有醫生做Backup，如果生完個BB冇事健康，咁就唔使去醫院，但如果有咩要檢查，當然要去醫院啦！但要留意喺屋企生只適合低風險孕婦，如果孕婦係高血壓、佗雙胞胎或者之前開刀生過等，就唔太適合喇！」