姊妹讚屋企生夠勇！苟芸慧冇膽跟風

嘉欣添丁，一班好姊妹都戥她開心，苟芸慧（苟苟）昨日受訪時亦送上祝福：「恭喜佢！BB同家姐Kelly好似樣，相信大個咗一定會係一個靚仔。」對於嘉欣選擇在家中自然分娩，苟苟笑言一點也不感驚訝：「Linda個人好勇敢，唔驚訝佢會咁做，不過我同William（未婚夫陸漢洋）都認為兩個人嘅Case唔同，都要考慮年齡，所以最安全都係醫院生。」
苟芸慧與未婚夫陸漢洋都覺得醫院生B最安全。
苟芸慧與未婚夫陸漢洋都覺得醫院生B最安全。

而王君馨則謂：「嘉欣今次喺屋企自己生咗個B出嚟，覺得佢好勇敢同犀利！（佢老公有冇幫手接生？）我又唔知喎，咁一定有個識得幫佢接生嘅人喺度，我唔知嗰啲叫醫生定係Birth Mother……唔知點叫，但總之有個專業人士喺屋企幫佢接生！」

而岑麗香則恭喜嘉欣湊個「好」字，並笑言：「BB似家姐Kelly，一個男仔版嘅BB Kelly，好得意。覺得佢（喺屋企生）好勇敢、好成功、好犀利！呢段時間佢應該好攰，希望佢好好休息，每一個Moment都同屋企人一齊，好好珍惜。」而李亞男則回覆：「唔知道詳情，淨係知佢生咗，事前已經恭喜咗佢，謝謝！」

岑麗香指ＢＢ似足嘉欣大女，一樣咁得意。
  • 岑麗香指ＢＢ似足嘉欣大女，一樣咁得意。
王君馨唔知嘉欣老公有冇幫手接生，不過就大讚對方犀利。
  • 王君馨唔知嘉欣老公有冇幫手接生，不過就大讚對方犀利。
嘉欣生完，好快又到佗B中的姊妹李亞男。
  • 嘉欣生完，好快又到佗B中的姊妹李亞男。