陳復生母女檔做主持

前藝人陳復生昨日出席中醫節目的試映會，節目中她與囡囡麥景榕一起做主持，但囡囡因上學未有到場。講到前奶奶何婉琪（十姑娘）早前去世，她說：「都係記者朋友同我講先知。（有冇家庭成員同你講？）冇。」她坦言很久沒見十姑娘，對於對方離世感難過及無奈，但亦謂對方90幾歲離世算高壽，隨即有少少激動地說：「我諗如果佢睇到呢個節目會好安慰，雖然佢係外國人，但都相信中醫。」問到有機會可會帶子女去昭遠墳場拜祭？她說：「呢個要留待之後，好多嘢我都係睇報道。」講到囡囡首次做節目主持，她指導演及工作人員都很滿意其表現，問到可會讓囡囡入行？她則表示等囡囡讀完書自己決定。