鄭雨盛來去匆匆無緣探黎明B女
韓國男星鄭雨盛昨晚在港出席護膚品牌揭幕禮，他透露忙於拍電影：「電影中飾演律師，對手係一個少女，二人因為案件相遇而令大家成長。」問此行會否趁機留港旅遊？他惋惜表示只逗留一天便要離開：「好多韓星都係睇港產片長大，我係其中一個，香港喺我心目中係好印象。（冇時間見好友黎明？）好可惜，冇時間。（有冇恭喜佢生B女？）嗯……唔清楚，問番有關活動嘅問題。」
當話題轉到護膚心得時，他笑說：「呢個係今日活動問得最好嘅問題！用適合自己嘅護膚品就可以，同埋做運動。（做咩運動？）帶氧運動、急步行。（出街跑步係咪吸引好多女士望？）到時會逃走，所以跑得快。」
