歌手吳業坤雖然口甜舌滑逢女都撩，但出道多年現時依然一支公！不過，最近他被拍得深宵密會長髮女，兩人在餐廳貼頭睇餐牌，斷正後疑急Call老友陳國峰與莫家淦到場「掩護」。坤坤昨日回覆：「佢係《巨聲3》嘅廣美知子！我都識佢老公，但嗰晚佢老公唔喺度，其實係一班人食飯，只係我哋到先啫！阿淦（莫家淦）踢完波同Penny（陳國峰）一齊過嚟。」