陳偉洪打造5星級好龜宿
藝人陳偉洪帶同烏龜Stephen亮相東網巨星節目《巨星Pet Pet》，大爆牠與其他烏龜不同之處，活潑好動之餘更經常笑面迎人，更即席示範清洗水缸及講解缸中設備，為龜龜打造五星級的家。
東網巨星節目「六福珠寶特約」《巨星Pet Pet》，新一集有無綫藝人陳偉洪為大家介紹烏龜Stephen，他表示以往從沒打算養烏龜，完全是機緣巧合：「有一日喺屋企門口出現咗一舊不明物體，初時以為係咩污糟嘢，諗住掃走佢，點知執起嚟先發現原來係烏龜，就係咁樣，我開始養佢啦！」
關注冬眠狀況變小專家
提到寵物的名字，陳偉洪笑指因當初龜仔身上布滿黑色污泥，驟眼看似是「狗屎」，故以「屎」字諧音取名「Stephen」。龜龜雖然不懂說話，但就非常「好客」，經常展現笑容，並會以肢體語言表達情感，擺動手腳打招呼。
起初對烏龜一無所知的陳偉洪，一番研究後，現在可算是個小專家，他說：「養咗Stephen後，對烏龜了解多咗，好似要用暖管同射燈保持水缸溫度，烏龜冬眠時吸收唔到營養等，樣樣都係學問。」
《巨星Pet Pet》每集均請來名人紅星，分享與星級萌寵的生活點滴，包括羅敏莊、胡琳及張秀文等，其他藝人將陸續登場！大家可在東網App及網頁隨時隨地收看及重溫。
越南品種南石龜食「幼糧」
1歲的Stephen是越南品種南石龜，因為正處於嬰幼兒期，所以身形比較細小，平日主要生活在水缸中，較少出外走動。飲食方面，以進食龜糧為主，陳偉洪會特意選擇適合幼年烏龜進食的龜糧，較一般龜糧容易消化。
https://bit.ly/2LTM5rk