Tim唱到甩牙骹吊吊揈

樂隊Dear Jane昨日到電台宣傳新歌《寧願當初不相見》木結他版本，成員Howie踢爆主音Tim兩星期前練歌練到甩牙骹：「成個顎骨跌咗落嚟，啲肉揈住！」不過「當事人」Tim卻顯得相當冷靜，透露可能跟早前打波被「批（月爭）」積下來的舊患有關，又指當時牙骹「啪」一聲鬆脫，搞到不能擘大口，要邊講邊用手示意如何自救：「自己啪番佢，好痛！」剛完成的佛山演唱會途中差點又出事，Tim說：「唱到一半，佢自己又甩咗少少（骹），因為平時唱歌到呢個位會用多啲呢邊肌肉。」笑言因有過「經驗」可以應付到，但為免太太楊洛婷擔心，以及想減輕進食痛楚，暫時會先去睇中醫。