內地藝人秦嵐憑《延禧攻略》中「皇后」一角爆紅，早前上內地跳舞節目《新舞林大會》時自爆不擅跳舞，但原來她於2007年曾與藝人黃致豪（前名黃長興）組隊出戰內地真人騷《舞動奇跡》，當時跳得有板有眼。黃致豪受訪時憶起多年前與「皇后」的跳舞點滴：「老實講我冇睇《延禧》，知秦嵐做女主角先坐定定睇咗一集！隔咗10年佢已經有咁嘅成績，真係戥佢好開心。當時大家都係新人，雖然佢已經好忙，但對跳舞好有天分，排一陣已經足夠上場。」又讚對方夠Nice又Friendly。
另外，飾演「魏瓔珞」彈起的吳謹言人氣一直居高不下，多部由她擔正的新劇未播先紅，包括同樣由《延》劇原班人馬打造的《皓鑭傳》！吳瑾言與「乾隆」聶遠及「高貴妃」譚卓等再續前緣，但「嫻妃」佘詩曼與秦嵐卻雙雙缺陣，令粉絲失望。