謝安琪幫Juno改名「幽默浚龍」

天后謝安琪（Kay）和麥浚龍（Juno）昨日出席潮流品牌店舖開幕，期間Kay讚Juno幽默，並幫他改名做「幽默浚龍」，之後自己笑不停。受訪時，她笑說：「我控制唔到自己。（佢點搞笑？）佢平時唔係咁Cool，佢好好笑。」問到Juno還是老公張繼聰搞笑些？她說：「唔同類別，佢係冷笑話，張生就係肢體動作，演繹啲笑話。」兩人又透露最近合作推出合輯，當中會有他們的合唱歌，亦會有各自的歌，各自飾演角色，用音樂來演繹纏繞一生的愛情故事。