藝人張智霖（Chilam）被傳以千萬續約蕭定一公司，前晚他在活動上笑說：「咁好？係咪真呀？可唔可以搵番條片畀我睇？有片為證先得。（傾續約未？）未呀！仲有一年先完，當然有傾過，亦開出咗啲條件，但暫時未動筆。」提到日前他出席好兄弟郭富城愛女Chant的一歲生日派對，他笑謂禮物方面交由太太袁詠儀（靚靚）負責，問到覺得Chant似父或母？他笑說：「唔識分，因為仲細個，但見到好開心。」
昨日是靚靚47歲生日，Chilam以太太的名義捐錢給「生命小戰士會」。靚靚開心表示：「好贊同老公嘅做法，生日對我嚟講別具意義，加上施比受更有福。其實除咗我老公幫我捐錢外，仲有好多有心嘅朋友效法，遲啲我會逐一公開多謝佢哋。（戒咗買包包？）買包包唔使特別日子，平日都可以買。（點解捐去呢個機構？）近日有朋友好落力去幫白血病小朋友，我就想盡量幫多啲人，但一定會以香港朋友行先。」