吳宇森數臭尚格雲頓：淨係Focus佢肌肉

吳宇森表示原本想找卻羅素（Kurt Russell）擔任《終》片男主角，但最終由當時得令的動作影星尚格雲頓擔正。

「所有人等佢傾電話」

他說：「我唔後悔同尚格雲頓合作，我認為佢為人幾有趣。唯一我唔係好慣嘅係佢成日都傾生意，似係同其他電影公司傾合作。例如當我哋片場擺機位時，我哋永遠係等緊佢！佢成日傾電話，所有人就企晒喺度等佢傾完，而監製同其他工作人員就係咁催我快啲拍，但我絕對唔可以唔等我嘅演員就開機！」

故意剪走「肌肉鏡頭」

除了批評尚格雲頓經常煲電話粥外，吳宇森亦爆對方非常自戀：「我平時好鍾意擺四部攝影機拍攝，而佢就想一部機淨係Focus喺佢充滿肌肉嘅手臂。我知所有人都想喺銀幕表現最靚一面，而呢個亦係我作為導演嘅職責，但我從來都唔鍾意任何人話畀我知點擺機位，尤其仲要係拍佢嘅肌肉。」雖然最終他就範，跟足對方要求拍攝，但他最後故意不採用那些「肌肉鏡頭」。