沈震軒遭戰友懲罰
歌手沈震軒（Sammy）、莫凱謙、享樂團主音旨呈及小提琴手Rex昨日到新城受訪，宣傳新歌《不枉》。謙謙笑言每日練歌都有新奇事，例如突然有人做怪事：「鼓手Samuel將兩支鼓棍吊喺度打，開始搶Fo，佢唔喺度即係叫我哋講佢！」
Sammy笑指Samuel常於不適當的時候講不適當的話：「我哋正經做訪問，佢講嘢之前一定Chok一Chok條眉，當全部人聚精會神聽佢講嘢，佢就會話『《不枉》，多謝』。（要懲罰佢？）係我哋畀佢同化，佢懲罰緊我哋。」旨呈和Rex亦取笑Samuel很怕醜，每次成為焦點就會面紅。