傅嘉莉露本性鹹濕過金剛
小儀早前與傅嘉莉為節目到日本拍攝，她爆對方「鹹濕」程度超越金剛！入得廚房的小儀又強調自己並非嫁唔出，不過轉頭又請傅嘉莉介紹富二代朋友給她認識。
藝人小儀、傅嘉莉、衛志豪及陳雅思等昨日在鑽石山荷里活廣場出席主持的無綫節目《街坊廚神重出江湖》記者會，另一主持金剛則因在橫店開工未能回港，但亦拍片打氣。節目早前到日本姬路及鳥取拍攝外景，小儀爆傅嘉莉很「鹹濕」，她笑說：「佢原來好鍾意食蕎頭呢啲鹹濕嘢，鳥取嘅蕎頭好出名，呢方面金剛就唔夠鹹濕喇。」
叫介紹富二代
傅嘉莉讚金剛廚藝了得，令她很意外，她笑說：「金剛煮嘢食雖然賣相唔得，但係就好好味，小儀就賣相同味道都得，蛋包飯整得靚過老師。」記者笑問小儀廚藝了得，但為何還未出嫁？小儀笑說：「我唔嫁啫！唔係嫁唔出。其實我都鍾意日本人，反而幾鍾意大男人，覺得好吸引，唔介意呼呼喝喝喎。」小儀又趁機叫傅嘉莉介紹富二代朋友給她認識。
雖然兩人拍攝的地方不是大城市，但眾人也不忘購物，有一晚血拼到凌晨二時，幾乎沒有的士返酒店。《街坊廚神》拍攝到第五輯，東南亞也去過不少地方，小儀希望再添食並衝出亞洲，好像《Do姐去shopping》到歐洲、美加拍攝，傅嘉莉即舉手預先報名，小儀笑說：「到時你紅咗就度唔到期啦。」
