擺陳曉華上枱麥明詩抽水掀罵戰
「十優港姐」麥明詩（Louisa）為今屆港姐擔任司儀，台上她問李明芙「覺得邊位佳麗贏咗最唔公平？」，對方未能回答，另一司儀鄭裕玲（嘟嘟）代解圍，Louisa即笑言「唔公平」，指當年嘟嘟沒有幫她。
昨日，Louisa在社交網抽自己水，上載與冠軍陳曉華的合照並留言：「17號佳麗陳曉華選到香港小姐冠軍就最唔公平喇，已經咁靚、咁高、腿咁長、仲要係一個有愛心嘅護士，已經擁有咁多嘢，再加多個港姐冠軍實在是太不公平了！不過17號佳麗陳曉華憑着出眾的外貌、淡定的對答、空中瑜伽所展現的努力和力量，贏到港姐冠軍就最值得了！」怎料引發網民罵戰，支持她的網民表示「其實你問啱個冇咁快急才嘅佳麗啫」，有網民卻批評她「冇資格做主持」、「你選到咪叫公平囉，又抽水。」相當有火藥味。
