4月仲蜜遊希臘！丁子田被質疑假分手

丁子田與男友在希臘身貼身合照，點似有分手迹象？

日前丁子田（Sara）亮相節目《#後生仔傾吓偈》時承認為回港發展，決意同男友和平分手，並表示唔可以異地戀！不過在她的社交網站卻發現，今年4月她曾與男友到新婚度蜜月勝地、希臘愛琴海Mykonos小島旅行，而且十足糖黐豆，看來相當恩愛！她更豪邁地食水煙，網民質疑不似感情出問題！

食水煙無懼損形象

昨日Sara在港出席頒獎活動時，表示不介意被翻炒拍拖相，解釋雙方已分手但仍是朋友關係，她說：「呢啲都係回憶，唔需要特別遮住。（仲有聯絡？）佢有恭喜我得獎。」她指食水煙在外國非常流行，平時自己不吸煙，不怕影響形象。另有指她的姑媽、藝人丁主惠跟TVB高層樂易玲稔熟，Sara亦直認不諱，但不怕被指靠關係。

放大圖片	昨日丁子田大方表示，不介意拍拖舊照曝光。

鄧卓殷獲男友恭賀

同場的亞軍鄧卓殷（Amber）有位拍拖約6年的男友，但不擔心拍拖照流出：「我哋都冇影啲咩親熱相，佢長期喺外國。（有冇恭喜你？）有，戥我驕傲！」而冠軍陳曉華（Hera）被問到落選佳麗工藤佑采的「手指指」舞姿，她笑說：「成為咗城中熱話。（搶你風頭？）冇，件事好可愛。（佢被指黑面？）平時佢都冇乜表情。（點睇落選港姐要伴舞？）都好o架！可以表演三隻舞，有得跳都開心。」