廖碧兒冇人追買花氹自己

藝人廖碧兒（Bernice）、鄧萃雯（雯女）與陳錦鴻等，昨日到中環出席ViuTV新劇《婚內情》發布會。Bernice早前被爆料指與外籍朋友秘婚四年，更到加拿大生仔，對此她說：「呢位朋友我哋識咗十幾年，佢仲打番畀我，問點解結婚唔請佢，我話因為都冇請我囉！」與舊愛盧啟賢宣布分手的Bernice承認已單身一段時間，提到她晒收花相疑有追求者？她說：「唔係，花係自己買，有花樽口架，外國人去市場買餸又買花係好平常嘅事。」問到是否有人追？Bernice透露剛從加拿大返港：「一齊讀書啲同學年紀好細，我都生得佢出。」提到舊愛與前有線主播劉明軒撐枱腳，Bernice說：「唔知邊個嚟，冇睇報道。（分手因第三者？）過去嘅嘢唔提啦。」