張建聲情緒病復發鎅手自殘

多年來，圈中不少藝人都曾出現情緒問題，情況不容忽視！現年35歲的張建聲（Justin）入行八年，不斷在角色上挑戰自己，去年憑爆紅網劇《反黑》「招積」一角，成功上位，由於該角色性格暴戾，精神狀態起伏大，Justin太過投入角色，以致拍畢該片後一度未能抽離，需三度求醫，結果證實患有焦慮症及強迫症，幸最終成功擺脫情緒困頓，走出陰霾！

首任監製戲接戲

不過，最近又有復發迹象！據知，因「招積」的成功，Justin一口氣接下多部電影，包括《無雙》、《作家的謊言》及《真‧三國無雙》等。拍攝《作》時，角色複雜之餘，他還首次兼任監製，令一向要求高的他壓力爆煲。剛巧在這時候，屋企亦發生了事，而他又被指因搭上籃球界女神方泳琳而與陳嘉莉情變，一下子是非湧現，他一時未能消化，情緒跌入谷底，更鎅手自殘！Justin在社交網上載的生活照中，亦可見其手臂布滿明顯刀傷，令不少網民擔心。

記者就壓力爆煲一事致電Justin，他坦承早前確實出現過問題：「喺《反黑》之後，我有睇過心理醫生，做過一啲心理輔導同埋呼吸減壓，之後其實都冇咩特別，只係一路忙做嘢。到開緊《作家》嘅時候，主要係角色多層次難抽離，同時又因為好多問題一齊爆發，自己未夠火候處理，心理狀態幾混亂。」至於情況嚴重到鎅手，他亦坦承：「我只可以講自己入咗行幾年，喺叫發展得最好嘅階段，遇上人生最多問題同最壞嘅時候，心理落差好大，喺最迷惘時我做咗一啲不智嘅事，係唔成熟嘅，但當你去到最低時，你就明白沉淪係冇用，好快就會清醒番，我亦唔會重蹈覆轍！（問題維持咗幾耐？）我諗兩、三個月，拍完《作家》之後，同朋友傾偈、踢波做Gym，多得韓籍健身教練好肯同我去傾，增加咗正能量。我已經搵番正常嘅生活，經過呢段咁糾纏嘅日子，依家嘅我反而成長咗。」雖然再一次打敗仗，幸Justin經過一番掙扎，最終敢於面對自己，嘗試多見朋友、做運動、學賽車、潛水等，經過兩、三個月的「自我修復」，情況已慢慢好轉。

張建聲承認因受情緒困擾而鎅手，手臂可見明顯傷痕。	放大圖片	放大圖片

松岡爆事事緊張

對於舊愛出現情緒問題，陳嘉莉直言不知情：「每個人都有迷失嘅時候，我覺得佢要識得錫自己先，唔識錫自己就唔會畀到身邊人安全感，要錫自己先可以愛其他人。其實都係要靠自己去克服，調節心情，每個人都有高低起伏，就算去到谷底，之後都會反彈。」曾跟Justin傳緋聞的方泳琳則表示近期沒有見過對方，但都希望他「開心啲」，不要給自己太大壓力，還稱讚他是一位非常努力的演員。至於與張建聲合拍《作》片的松岡李那，指雙方是好朋友，指他監製新片期間，對很多事都很着緊，亦見過他罵人，不過絕不是亂發脾氣。

松岡撐拍檔在片場雖然事事緊張，但絕不會亂發脾氣。	放大圖片	方泳琳被傳曾介入張建聲與陳嘉莉戀情。
陳嘉莉鼓勵舊愛調節心情，克服病魔。	張建聲首次監製及演出《作家的謊言》，與何佩瑜有不少對手戲。