荷里活著名男星艾力寶雲（Alec Baldwin）與前妻金碧辛嘉（Kim Basinger）所生的22歲模特兒女兒愛爾蘭寶雲（Ireland Baldwin），一向被網民批評身形肥胖，前日她在Instagram自爆曾患厭食症，並公開患病時期的照片！
愛爾蘭在社交網上載泳衣照，自爆曾經患厭食症，雖然身穿三點式泳衣的她背向鏡頭，但明顯身形較以往纖瘦，她留言：「我喺成長時，對抗好多飲食失調同身體問題，花咗好多時間先學會愛惜同接受自己。信我，所有加喺自己身上嘅痛苦同破壞係唔值得，唔去食多份薯條係唔值得！」她透露患病期間，每吃完一餐甚至只食了一口，就要到廁所扣喉或吃消化藥，更會在睡前喪跑，跑到感受不到自己雙腳為止。
她回想最初入行做模特兒，當有人指她太高或太肥，就會變得瘋狂，不停在跑步機跑步，最後她勸粉絲要自愛：「要愛自己，你係好美麗！享受你嘅食物，同朋友食雪糕！照顧自己心靈同身體，但要搵到健康嘅平衡！因為人生苦短。」查實兩個月前愛爾蘭的繼母，即艾力現任妻子Hilaria Baldwin亦透露成長時期曾飲食失調，後來選擇做瑜伽來治療身心。